Bloggfærslur mánaðarins, september 2007

Stríð eða Friður

 

Stríð og friður.  Var það ekki Tolstoy sem samdi  bók með þessu nafni og í tveim bindum??

Einsog Hollywoodmynd, en ég hef aldrei lesið hana, svona er bara fyrir rómantíkera.

 

Til grundvallar hugsun minni um stríð og frið í samfélaginu, legg ég til 4 grundvallareiningar:

Konur

Börn

Gamalt fólk

Karlmenn

 

Ef ekkert ógnar þessum grunneiningum samfélagsins, legg ég til frið

Ef eitthvað ógnar þeim, legg ég til stríð.

 

Annað til grundvallar, er að markmið þjóðfélagsins eigi að vera hin sömu og ríktu á dögum Neandertalsmanna.  Homo Sapiens hafði tamið eldinn.  Konur og Karlmenn löggðu til fæðu fyrir hópinn, til hagsbóta fyrir börnin og gamla fólkið.  Eldurinn hélt villidýrunum frá, t.d rándýrum, sem leituðu að vetursetu í hellum.  Konur og karlmenn elskuðu hvort annað.  Gamla fólkið sagði sögur og hló að fíflalátum barnanna.

 

Það sem hefur breyst er að rándýrin, hræðast ekki lengur eldinn, því engin rándýr eru eftir,  nema þau sem teljast til Homo Sapiens.  Meðal kvennanna, barnanna, gamla fólksins og karlmannanna, við eldinn, dveljast rándýr sem eru af sömu tegund og hvernig eigum við að bregðast við þessari nýju hættu ????

Ég legg til Stríð, einsog Bob Marley sagði:  Rise Up, Stand UP.

Það er enginn friður nema við losnum við þessa óværu...

Jesús sagði:  Ég er ekki kominn til að boða frið, heldur sverð.

En hvað er sverð?????

Sverð hins góða stríðsmanns, er vopn sem þú beitir, til að verja samfélagið, karlmenn eru stríðsmenn, svo þetta á við að verja, konur, börn og gamalt fólk.(en í dag eru konur líka stríðsmenn, þær öfluðu líka fæðunnar áður fyrr, en karlmenn montuðu sig meira yfir veiðiferðum(he he)

 

Herútkall!!!!!!!!!!!

Verjum þau gildi sem gerir okkur að Homo Sapiens

Tryggjum velferð Karlmanna, Kvenna, Barna og Gamals Fólks

Látum ekki Blinda fjármálaspekúlanta leiða okkur í tvísýnu, með grundvallargildi okkar

Eða auglýsingar tortíma börnum okkar

Og köstum ekki gamla fólkinu á haugana, áður en það nær að segja sögu sína

Verjum hagsmuni okkar, við munum sigra, því þetta eru bara Pappírstígrisdýr, sem munu falla einsog spilaborg, þegar við beitum sverði okkar.

Fólk, þið eruð stríðsmenn, en ekki framleiðsluvélar

Rísið upp, í nafni, þess sem skapaði ykkur.  Þegar þið hafið staðið á fætur og finnið mátt Neandertalsmannsins, sem lagði mammúta að velli, með spjótum, þá munuð þið eftir á, hlæja að ykkur sjálfum, hvað þið hræddust óvininn(he he)


Maður sem Maskína

Frá því á 20 öld á dögum fyrri-heimstyrjaldar, þegar tugir þúsundra ungra manna var slátrað í stríði sem enginn skildi, nema lítill hópur manna, sem hagsmuna hafði að gæta, fór að bera á því að þeir sem stjórnuðu samfélaginu, litu á menn sem maskínur. 

Nú, 2007, á dögum, frelsis og ótakmarkaðrar þróunar, hefur gildið maður=maskína, fest í sessi.

Allir eru söluvara, frelsið er að geta selt sig, en önnur gildi hafa engann mátt.

 

En............................................ inntak Biblíunnar eru 7 orð.

Elska skaltu Guð þinn og náunga þinn.  Sem sagt elskaðu þann sem skapaði mannkynið og elskaðu mannkynið.  Við erum mannkynið(Homo Sapiens) og við erum ekki framleiðsluvélar... og skapari okkar, er sá sem færir okkur stöðugann mátt, alltaf, án skilyrða, sem sagt "Elskar okkur alltaf, óháð hvernig við högum okkur)

 en..............................hin hugmyndafræðin, gengur útá það, að þú sem framleiðslutæki, skilir til samfélagsins, hámarksframleiðslu, en ef þú gerir það ekki, þá refsar samfélagið þér, nema þú hafir nóga peninga til að verja þig.

Það sem ég tel að séu grunnstoðir samfélagsins, eru þær sömu og voru fyrir 10 þúsund árum.

Ákveðinn hluti samfélagsins, sér um að skaffa fæðu( karlmenn veiddu dýr, en konur söfnuðu jurtum), en um kvöldið, sátu menn við eldinn, sem fældi hættuleg rándýr frá, börnin voru hamingjusöm, konurnar töluðu, en gutu hornaugum, á flotta stríðsmennina, gamla fólkið naut þess að segja sögur og með því að horfa í eldinn, kveikti það í gömlum minningum og allt fólkið var ein heild(Samfélag)

4 línur sem segja meira en nokkur stjórnmálamaður........

þessar 4 línur, eru saga okkar og framtíð, en ef við fylgjum ekki þessum einföldu leiðbeiningum, þá munum við deyja í fávisku okkar, horfðu bara á blóm í haganum, og spurðu þig þeirrar spurningar, er þetta framleiðsluvél ???????????

nei, hvert einstakt blóm, vex og dafnar, lifir og deyr og það þóknast engum nema skapara sínum, sem er eins og lítið barn og tekur á móti því þegar það deyr..

 en................... í þessu framleiðsluþjóðfélagi.  Hver vill þig, þegar þú hættir að framleiða???? og þegar þú ert dauður, er þetta þá ekki bara spurning um að endurnýta líffæri þín????, en Sál þín og taktu eftir........hún skipti fjandans engu máli, meðan prestar Þjóðkirkjunnar mala, í takt við framleiðsluvélarnar(he he he he)

 

 

 


Tveir jarðormar

 

Yfir gangstétt á miðju hausti

á degi rigningar og roks

skríður nafnlaus ánamaðkur

honum liggur við drukknun

en ég hjálpa honum yfir á grasið

 

þegar ég lít til framtíðarinnar

sé ég fyrir mér að hann mun  

ferðast neðanjarðar í allann vetur

meðan ég veð áfram gegnum flösuna

sem þyrlast úr hári himinsins

 

Báðir stefnum við í átt til vorsins

En við förum bara tvær aðskildar leiðir


Söngur Fangans

Svartþrösturinn

Sem sest á gluggasylluna

Utan við rimlana

Er eina ábendingin um

Að þú elskir mig

 

Handleggir þínir

Sem faðma mig í draumi

Gefa mér von um að

Einhverntíma muni ég verða frjáls

 

Þessir múrar

Sem fangelsisveggirnir eru

Munu senn hrynja

En í brjósti mínu býr ótti

Því ég á ekkert nema þig


Sólargeislar

Frá sólinni berast geislar

Þeir lýsa upp tunglið á næturhimninum

Og yfir hafflötinn liggur vegur

Alla leið til mín

Áhorfandans á ströndinni

 

Ég lít til hliðar

Á þig

Og sé að inní þér er víðáttumikið haf

Tunglið speglast í augum þínum

En handan við nóttina hlær sólin

 

Daginn eftir ferðumst við um stræti borgarinnar

Fáir á leið okkar virðast skynja mátt sólarinnar

Sem æðir milli ljósastauranna

Í vitstola gleði ótakmarkaðrar sköpunar

 

Andlit þeirra bera með sér fall mannsandans

Trúna á að sköpunin hafi átt sér stað í gær

Ástin sem við berum til hvors annars

Enginn virðist taka eftir henni

Og enginn hermir eftir okkur

 

Á götuhorni kyssumst við

Og föðmumst líka

En í Reykjavík

Er þetta einsog að rjúfa bannhelgi

Raskar almannareglu

Svipað og að flauta

Tala hátt

Trufla fólk við að gera það

Sem það gerði í gær

 

En við gerum það samt

Því okkur dettur ekkert betra í hug

Sem hægt er að eyða tímanum í


Varir morgunroðans

 

Ég treysti ekki kvöldskuggunum

nema hafa þig í örmum mér

 

Í morgunroðanum

opna ég augun

rís á fætur

og legg af stað að leita þín

 

undir kvöld

þegar ég leggst til hvílu

safnast skuggarnir saman

 

bara að ég hefði þig hjá mér

þá gæti ég gleymt myrkrinu

 

en von mín er sverð mitt

og með því klíf ég rökkurdjúpið

allt til roða morgunsins

 

bara að þetta séu varir þínar

óska ég mér

varir þínar...og opna augun


Mannvera Sem Fyrirtæki

Mannvera sem fyrirtæki  Mannvera, helstu þættir(lausleg greining)  Sjálfráða og ósjálfráða taugakerfið. Heilinn og mænan.  Meðvitund og undirmeðvitund. Égið eða Stjórnandinn.  Blóðrásarkerfið, meltingarkerfið, öndun, vöðvar og sinar, skynfæri, útlimir, raddbönd, o.s.frv.  Fyrirtæki, helstu þættir(lausleg greining)  Bókhaldsdeildir, framleiðsla, markaðsdeildir,  starfsmannahald, innra eftirlit, gæðastjórnun, culture, o.s.frv  Í venjulegu fyrirtæki getum við sagt að Stjórnandinn samsvari meðvitund í mannveru.  Það sem ég greini sem ERROR í mannverum og hvernig þær stjórna sér, er að Égið sem samsvarar Stjórnandanum, er ekki staðsett efst í pýramídanum, heldur er það staðsett í markaðsdeildinni.  Heimsspekingur einn sagði „Ég hugsa, þessvegna er ég til“, en réttara væri: Ég er til og þessvegna get ég hugsað.  Að hugsa er geta mannverunnar, en hún hefur samsamað stjórnandann getunni.  Stjórnandinn er þessvegna ofurseldur hugsuninni.  Hann getur ekki stöðvað hana.  Hann ræður ekki yfir nema að hluta, um hvað hann hugsar.  Hugsanir hans stöðvast ekki fyrr en í djúpsvefni, en þá er líkami hans óstarfhæfur.  Til að fá þetta staðfest, hættu þá aðeins að lesa og fylgstu með hvernig hugsanir þínar birtast þér.  Geturðu stöðvað þær ?  Geturðu ráðið hvaða hugsun kemur næst ?  Hvað mikið af hugsuninni er innihaldslaus þvættingur ?  Ef mikill hluti af hugsuninni er innihaldslaus þvættingur, af hverju erum við þá að staðsetja miðjuna í hugsuninni og gera hana þar með meðvitaða, þegar hún ætti heima í ósjálfráða taugakerfinu eða undirvitundinni.  Hvaða stjórnandi í fyrirtæki myndi vilja hafa markaðsdeildina inn á borði hjá sér allann daginn og alla daga.  Það sem ég tel að þetta komi niður á fyrst og fremst er , að þetta truflar aðkomu hans að innsæinu og mörkun heildarstefnu og að hann geti tekið á móti nýjum hugmyndum.  Stjórnandinn þarf frið til að beita sér.  Til að geta beitt sér, má hann ekki vera staðsettur í því sem er beitt, eða tækinu.  Mannvera – Skiptum orðinu í tvennt.  Maður er það sem beitt er, er notað, tækið, en vera, er það sem beitir eða notar tækið.  Þessvegna er mikilvægt að stjórnandinn í mannveru flytji sig úr markaðsdeildinni og fái sér nýja skrifstofu.

Innskráning

Ath. Vinsamlegast kveikið á Javascript til að hefja innskráningu.

Hafðu samband