Bloggfærslur mánaðarins, desember 2008

Let it Roll Baby Roll

Vanhæfi eða Vangefni Fjármálaeftirlits ?

Auðvitað á Forsetinn ekki að staðfesta fjárlögin, því þetta eru bara Rollulög.

Kann einhver að Jarma ?  Er allt bara FjárlagaÞarmaKarma. 

En hafa skal ein lög fyrir Rollur og önnur fyrir Menn, sagði lögspekingur á 12. öld

Bestur jólalögin hingað til:

Fitulagið og Rollulagið en þó finnst mér þetta lag að ofan betra.

Let it Roll Baby Roll.


mbl.is Hengilásar og forsetakaffi
Tilkynna um óviðeigandi tengingu við frétt

En Páskabjórinn ?

Verður hann kannski seldur í dropatali á 10 kr dropinn ?

En hvaðan kom allt þetta vésen ?

Var það ekki útaf einhverjum bönkum í einkaeigu ?

Sem skorti gjaldeyri frá Seðlabanka til að fylla upp í eyðurnar.

Auðurinn sem varð að Auðn.

Ekki mikil auðna þar ?

Á svo bara að níðast á Íslensku bjóráhugafólki sem vill gera sér glaðann dag ?

Bjór er mannréttindi........................punktur

Með vorinu verður öllum krám eflaust bara lokað og svo Áfengis og Tóbaksverslun Ríkisins.

Það kemur lítið inn í kassann þá og þetta kallar maður að spóla í fyrsta gír á skeri.

Allar þessar aðgerðir að undanförnu frá Ríkisstjórnarapparatinu.

Á hvaða spólu voru þessar ráðleggingar eiginlega.

Er þetta einhver gömul spóla frá 1970 sem Alþjóða Gjaldeyrissjóðurinn afhenti þeim ? 


mbl.is Jólabjórinn hækkaði um allt að helming
Tilkynna um óviðeigandi tengingu við frétt

Afmælisbarn dagsins Edith Piaf

 

Non, je ne regrette rien (1961)

 

Edith Piaf er fædd á þessum degi 19. Desember árið 1915 og dó 1963, tveimur árum eftir flutning þessa lags sem kemur fram í myndbrotinu.  Sögu hennar er hægt að lesa hér Edith Piaf

en ég vil einnig tileinka þessa grein Maríu móður barnsins og drengsins og mannsins síunga Jésús Maríusonar eins af bestu bræðrum allra manna og ber er hver að baki nema bróður eigi og ég vil sérstaklega þakka henni fyrir að hafa blásið honum þann byltingaranda í brjóst sem er ennþá betri en vín, lífsandann sjálfann og lifi lífið í okkur öllum.

 

Padam...Padam (1956)

 

Ég kynntist sönglist Edith Piaf á aldri unglingsins.  Móðir mín átti plötu með henni og hráslagalegur en þó innilegur og hlýr lífsneistinn í rödd Edith sem barst fram innanúr barnslegu hjarta þessarar smávöxnu konu hreif mig þá og hrífur mig enn.

 

La Foule

 

 

Þessa söngva Edith Piaf vil ég tileinka þeim byltingaranda sem býr í brjóstum margra okkar og nú sem fyrst þarf að taka þetta spillingarpakk og ekki bara í bakaríið því maðurinn lifir nú ekki bara á brauði einu saman heldur í svínaríið því þaðan komu svínin og þar eru þeirra heimkynni.

Lifi okkar fjölættaða (meðal annars franska) fiskimannablóð og það stálhjarta sem í okkur slær og er sterkara en sjálfur andskotinn.

Sumir kjósa bara að þegja, láta sig beigja og fyrir háum herrum og frúm sig hneigja

en haldiði þá bara áfram kjafti og snúiði skafti og rekið við af fullum krafti, því sumra er það sá eini lífs og sálarkraftur sem í þeim býr.

Amen Kúmen og Yesmen

en ég kýs að kjósa í Alþingiskosningum og það sem allra fyrst.


Skrípó

Engin frétt og engin ekki frétt

En nú þarf að koma píanóinu hans Beethovens uppá efstu hæð í blokkinni

og auðvitað sjá Pat og Mat um það en nöfn þeirra útleggjast á Tékknesku "Patt og Skák og Mát".

Flest vandamál þeirra eru reyndar sjálfsköpuð og úrlausnir þeirra skapa enn ný vandamál, en með jákvæðu hugarfari og hugmyndaauðgi, klára þeir samt alltaf málið og enda í þessu myndbroti á því að spila ágætis lag á það sem eftir er af blessuðu píanóinu.


Góði Dátinn Svejk í Kína ?

Kannski væri ráð hér á landi þegar verð á refaskinnum er lágt, að selja Refina bara til Kína sem Lúxusgæludýr. 

"Stinking pet for the filthy rich"


mbl.is Hundurinn reyndist refur
Tilkynna um óviðeigandi tengingu við frétt

Beethoven á afmæli í dag

Ég ætla ekki að rekja hér ævisögu þessa merka tónskálds, aðeins að vekja athygli á fæðingardegi hans.  Bendi á grein á Wikipedia Beethoven

Beethoven fæddist á þessum degi 16. desember árið 1770 og dó 26 mars 1827.

Árið 1796 byrjaði hann að missa heyrn.  Hann þjáðist af sjúkdómi sem orsakaði að það klingdi eða hringdi í eyrum hans og þetta þvældist fyrir honum í tónlistarsköpun; einnig forðaðist hann samræður við fólk.

Hann lifði um stund í Austurrískum smábæ að nafni "Heligenstadt"(sem þýðir Heilög borg), rétt utan Vínarborgar.  Hér skrifaði hann verkið "Testament Hinnar Heilögu Borgar" sem var einskonar yfirlýsing um að halda áfram að lifa fyrir list sína og í list sinni.  En í þessu myndbroti birtist "Tunglskinssónatan"

Blessaður sé meistarinn ódauðlegi.  Auðvitað er lík hans einhversstaðar grafið, svipað hamnum sem fiðrildið skilur eftir sig, en verk hans óma enn handan grafarinnar, fljúga um sálir manna og dýra, taka kollsteypu inní hjartað við áhlustun og síðan út og inn í það óendanlega, til tunglsins einsog fiðrildi sem sveimar látlaust kringum ljósaperu.  Hring eftir hring að eilífu.


Ofsa góðar smákökur eflaust í kaffiboðinu 60+ diet ?

En smákökurnar eru þó bestar heima.

Meira að segja einstæðir feður geta bakað og étið stjórnlaust einsog stjórnleysingjar.

Ekkert helvítis diet kjaftæði.

Maður býður bara eftir að Solla fái kryppu af allri kreppunni og pólitísku sambúðinni með Geira ofurfrjálsa. Solla var nú líka soldið ofurfrjáls í öryggisráðsruglinu sem Halldór Ásgrímsson átti að mig minnir upphaflegu hugmyndina að á síðustu öld.  Er ekki Halldór enn í sínu starfi og allir enn í sínu starfi nema auðvitað (úti) þarna úti í (þjóð)félaginu þar er fólki sagt upp eins og ekkert sé.  

Konan hans Geira hefur eflaust bakað smákökurnar í 60+ kaffiboðinu

Myndbrotið ber nafnið "Chocolate chip cookie diet" sem þrítugur Ameríkani setti inná Youtube fyrir 16 klukkustundum síðan, eflaust sá sami og í myndinni.  Skemmtileg sýn hjá honum á jólakökubakstur.

 

 


mbl.is Ingibjörg: Orsökin liggur í ofsafrjálshyggjunni
Tilkynna um óviðeigandi tengingu við frétt

Fífl !

Sunnudagaskólinn í gær og Mánudagaskólinn í dag.

En hvað þetta er kristilegt allt saman hjá þeim ?

Það er mikill hjónasvipur með þeim Geira og Sollu.

Eða er þetta kannski flónasvipur ?

Á flón með svona svip dugar fátt nema "Flónasvipa" andskotans


mbl.is Fallið frá fjölgun leiguíbúða
Tilkynna um óviðeigandi tengingu við frétt

Vélbrúða veruleikans

Paul Citroen var Þýskættaður Hollenskur listamaður, best þekktur fyrir samklippimynd sína "Metropolis" sem innspíraði Fritz Lang í að gera hina klassísku mynd sína "Metropolis" árið 1926.

Hann fæddist á þessum degi  15. desember árið 1896 en dó 13.mars 1983, lærði við Bauhaus skólann, þar sem hann var í kennslustundum hjá Paul Klee og Wassily Kandinsky (sem ég held mjög uppá sjálfur og hafði myndir eftir útum alla veggi í bernsku sonar míns) og Johannes Itten. (heimild Wikipedia Paul Citroen)

Myndbrotið er úr mynd Fritz Lang "Metropolis" og ég finn ákveðinn samhljóm í því í mínum huga við efnivið nýútkominnar bókar Guðrúnu Evu Mínervudóttur "Skaparinn"


Verði þér að vondu helvískur sauðurinn þinn

Bush ætti margt verra skilið en þetta er kannski bara táknrænt enda er hann  búinn að þramma á skítugum skónum yfir allt og alla.

Ef hann heldur fleiri blaðamannafundi, vonandi er þetta sá síðasti (því fá gerpi eru heimskari en þessi gaur), verða þá ekki allir að fara úr skónum.

Annars verður hægt að líta á þá sem "Terrorista"

Meira að segja kornabarn með túttu upp í sér myndi grýta henni í hann, ef það ætti þess kost.

Vonandi verður bara forsetatíð hans rannsökuð og hann svo settur í rafmagnsstólinn.

Hann getur svo spilað golf í helvíti, þessi helvítis forarpyttur mannlegs óeðlis.


mbl.is Bush varð fyrir skóárás
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband