Ennþá blómstrandi utandyra í byrjun Nóvember

Átti leið um grasagarðinn í dag á hjólinu, á leið í sund og kíkti aðeins á hvort eitthvað væri blómstrandi ennþá, jú jú Kínavöndur þetta himneska blóm, ennþá blómstrandi utandyra í Reykjavík,  í byrjun Nóvember.

Þetta blóm vex villt í Yunnan í Kína og í Tíbet, en með hjálp góðra kvenna í Grasagarðinum, hefur því verið plantað þarna og það vex einsog ekkert sé, þó stundum blási og frjósi, teygir það höfuðið til himins og opnar sig einsog heiðblár himinn á eintali við almættið.  Sannkallaður meistari, en fáar eru örugglega flugurnar til að frjóvga það, enda þroskar það ekki fræ hérlendis, en hvílík harka, en þó mild og fögur ásjóna.  Óborganlegt !

Athugasemdir

[Jakobína Ingunn Ólafsdóttir, 6.11.2008 kl. 22:39]

Fallegur heiðvöndur.

[Máni Ragnar Svansson, 6.11.2008 kl. 22:47]

Við beðið stóð á skilti Kínavöndur, það eru til mörg ræktuð afbrigði.  Ég var ekki með ljósmyndavél á mér í dag og náði því í þessa mynd inná vef Lystigarðs Akureyrar.  Blómið í Grasagarðinum var heldur dekkra, en þó álíka frísklegt að sjá.