Íslandsvinurinn Drulludjói er komminn til landsins

Drulludjói gamli góði Íslandsvinurinn er kominn til landsins, að bjarga vinum sínum(öllum Íslendingum)frá andlegu skipbroti.  Húsmóðir í vesturbænum sagði við fréttamann að þetta væri bara eins og lóan væri komin.  "Hann er svo yndislegur þessi piltur.  Svo ljúf sál en þó svo harðhentur".  " Það er ekki nóg að horfa bara á Innlits Úlitsþætti, ef það er bara drulla í hausnum á ykkur" sagði Djói inní flugstöð Leifs heppna.  Hann útbýtti sígarettum og gaf krökkum toblerone.  Hann hagaði sér einsog  breskur dáti á stríðsárunum. Góðhjartaður, með rétta klippingu og virtist vera til í ótakmarkaða kynferðislega spennu.  "Það skiptir ekki máli hvaða tegund þú reykir.  Það sem skiptir máli er að þú reykir og að það séu staðir þar sem þú getur reykt inni" voru síðustu orð Djóa við áhorfendur þar sem hann reykspólaði á umhverfisvænu rafmagnsmótorhjóli á flugstöðvarplaninu, áður en hann þeysti í átt til Reykjavíkur eins og stormur í vatnsglasi.

Ingólfstorg föstudaginn 17. október kl. 17:00

Hey hó jibbí jey....Það er kominn 17. október.....nýji þjóðhátíðardagurinn.....berjum nú bumbur í dag

Föstudaginn 17. október kl. 17:00

Mætum öll

Sýnum samstöðu

Sýnum lífsgleði

Sýnum sköpunarmátt 

Upprifjun á starfsháttum Árna M. Mathiesen fjármálaráðherra

Innlent | mbl.is | 23.12.2007 | 12:24

Árni segist munu skila ítarlegum rökstuðningi

Árni M. Mathiesen, fjármálaráðherra, sagði í fréttum Útvarpsins, að hann muni skila ítarlegum rökstuðningi vegna umdeildrar skipunar hans á Þorsteini Davíðssyni embætti héraðsdómara, óski aðrir umsækjendur um stöðuna eftir því.  

Lúðvík Bergvinsson, þingflokksformaður Samfylkingarinnar, sagði í gær að Árni, sem var settur dómsmálaráðherra í málinu, ætti að rökstyðja betur val sitt á héraðsdómara. Slíkt væri nauðsynlegt þar sem valið hefði gengið algjörlega gegn mati nefndar sem metur hæfi þeirra sem sækja um dómarastöður.

Útvarpið hafði eftir Árna í dag, að  greinilegt væri að mat hans á reynslu Þorsteins úr dómsmálaráðuneytinu væri annað en mat nefndarinnar. Í slíkum tilvikum bæri honum að fara eftir eigin mati.

****ágætis grein eftir Helga Hrafn Gunnarsson inná http://helgihg.blog.is/blog/helgihg/entry/398368/

skrifað þann 23.12 árið 2007

ps. til hvers þá að vera að eyða péning í að halda uppi nefnd sem svo ekkert mark er takandi á ? og af hverju þurfti Árni að hafa einhverja sérstaka skoðun á þessari héraðsdómaraveitingu.  Af hverju var mat hans á reynslu Þorsteins úr dómsmálaráðuneytinu önnur en mat nefndarinnar ?  Hvað var það eiginlega í reynslu Þorsteins úr dómsmálaráðuneytinu sem gerði hann hæfari í stöðu héraðsdómara.  Hvar er það apparat í stjórnkerfinu sem getur komið í veg fyrir svona augljós hagsmunatengsl og spillingu.  Á sitjandi dómsmálaráðherra að ráða frekar einhvern sem hann þekkir í stöðu héraðsdómara, heldur en einhverja sem hann þekkir kannski ekki vel persónulega, en eru þó taldir hæfari að mati nefndar sem fjallar um málið.  Af hverju komst Árni upp með þetta ?  Af hverju lét ég sjálfur, þingið og þjóðin svona augljósa spillingu viðgangast fyrir framan nefið á sér ?

 

Sleppum að gera næsta áramótaskaup

Er einhver þörf fyrir það ?  Er þetta ekki bara alveg nóg ?  Er hægt að gera brandara um brandara.  Kaupum frekar fyrir péninginn um áramót almennilega stóra flugelda og bindum forkólfa  þessarar sápuóperu við þá og skjótum þeim svo útúr sólkerfinu.  Ég held að margir séu nú sjálfskipaðir að taka þátt í fyrstu tunglferð okkar Íslendinga.  Þá sem hugsuðu hátt og þá aðallega um eigin pyngju, látum þá nú fljúga hátt og sem lengst. Til að gera þetta enn stórfenglegra gætum við notað hluta af þeim péningum sem menn hafa skammtað sér sem ofurlaun og gert flugeldadýrðina það mikla að hún sæist frá Færeyjum, ef skyggni er þokkalegt og ef við eyddum svolitlu púðri í þetta, gætum við eflaust vakið upp nokkra Hjaltlandseyjahesta af værum blundi.  Látum  umheiminn vita af okkur um áramót, að hér stöndum við og erum hvergi bangnir.  Að á þessu landi elds og ísa  búi þjóð sem sé í sjálfu sér náttúruafl og tilbúin að taka á  þeim  grýlum og leppalúðum sem farið hafa með  fjöregg þjóðarinnar eins og sitt einkaglingur og sé hver fyrir sig í sínum stjórnmálaflokki, hvað sem hann heitir, tilbúin að taka til hendi og losa okkur við þá stjórnmálamenn, sem ekki eru til neins gagns, né í takt við tímans tönn.  Við þurfum fólk sem er tilbúið að hugsa veruleikann uppá nýtt, ekki bara japla á gömlum kreddum og tryggja sjálft sig í ellinni.  Fyrst við getum náð í silfur á ólympíuleikum í handbolta, þá eigum við að geta náð gulli í þessu, en eins og þar duga engin vettlingatök, annars missa menn bara boltann útúr höndunum.  LIFI ÞJÓÐIN og ÁFRAM ÍSLAND....koma svo 

Láttu Halldór greyið Ásgrímsson óvinsamlegast þegja

Hæstvirti háttvirti forseti(það er einsog maður sé að ávarpa guð) gætuð "þér" látið lægstvirtann froðusnakkinn Halldór Ásgrímsson þegja og hætta að skrifa blaðagreinar.  Ég er með mjög alvarlegt kjánahrollskast og má ekki við að lesa né heyra meira sápugutlsraus frá ófyndnum og óbeðnum þorskhausakómedíerum þessa lands.  Sumir segja að hláturinn lengi lífið en ég er viss um að síðasta hláturskast stytti líf mitt um 23 millisekúndur.

GOD SAVE GORDON BROWN

Skora á einhverja Íslenska pönksveit að semja nú lag um Gordon Brown.  Þessa Working Class Hero útgáfu af Elísabetu Englandsdrottningu og þetta bælda og heimska heimsveldi sem ætlar aldrei að líða undir lok.

Er Obama ekki karlútgáfan af Opruh

Þegar ný stjórn hefur verið mynduð eftir þingkosningar á næstu mánuðum hér á Íslandi, gæti nýr utanríkisráðherra þeirrar stjórnar gert sér ferð til Washington og hitt Obama nýjann forseta Bandaríkjanna og lagt til við hann að Bandaríkjamenn leggðu niður heimsvaldastefnu sína.  Að þeir hættu að halda heiminum í helgreipum ótta og niðurlægingar, heldur snéru sér að því að lagfæra fyrst þá þjóðfélagsgerð sem Bandaríkjamenn búa við og yrðu þannig fyrirmynd annarra þjóða, því í gamla daga voru þeir fyrirmynd annarra þjóða, t.d. með stjórnarskrá sinni, sem var á sínum tíma framúrskarandi byltingarkennd og leiðarljós þróunar útúr stöðnuðu andrúmslofti Evrópu.  Verum bara hreinskilnir.  Við hvað erum við hræddir ?  Erum við ekki víkingar ?  Þá meina ég núna og raunveruleiki nútímans er ekki skylmingamynd.  Gerumst því hugrakkir "HUGVÍKINGAR".  Kannski ættum við líka að breyta nafninu á höfuðborginni úr Reykjavík, sem núna minnir eitthvað svo á að vaða reyk, í "HUGVERKAVÍK"

Er kókaínísku sápunni ekki að fara að ljúka

Af hverju eru menn svona hræddir við EB.  Er það ekki bara hræðsluáróður Sjálfsstæðisflokksins á undanförnum árum og heimóttarskapur Vinstri Grænna.  Kannski erum við samt eftir allt saman Hobbitar norðursins einsog í Hringadrotttinssögu.  Ef menn hræðast regluvirki EB, af hverju þá bara ekki að reyna að hafa áhrif á að breyta því, losa heiminn við þann Niflungahring sem heftir nýja og betri tíma.  Við gerum það allavega ekki með því að sitja hjá og einangrast og borða Bláann Opal alla daga og láta sverð okkar ryðga, meðan við segjum sögur af fyrri afrekum.  Evrópumenn og heiminn sárvantar nýjar hugmyndir, því slóðin fyrir aftan okkur er horfin.  Heimurinn mótast í huganum, þar verður hann til við það að myndir kvikna.  Svo slökkvum núna á raunveruleikasjónvarpstækjunum og gerum virka heilana í okkur, ekki aðeins í okkar þágu, heldur fyrir alla Evrópumenn og heiminn í kringum okkur.  Lokum núna gömlu skruddunum frá 12. öld og gerum eitthvað sem þessir gömlu munkar gætu sagt um okkur að við værum þeirra elskuðu afkomendur sem þeir hefðu velþóknun á, því annars er ófært að vera að stæra sig af verkum þeirra, því ekki vorum það við sem rituðum þessar bækur og við þá sem eru ennþá í þessu kókaínsniffi, í guðs bænum hættiði þessu, því þetta eyðir alltof miklum gjaldeyri.

Bandarískur her burt úr Evrópu

Þegar við höfum fengið inngöngu í Evrópusambandið, eigum við að leggja það til við bandalagsþjóðir okkar að Bandarískur her verði kallaður burt frá Evrópu.  Til hvers er Bandarískur her í Evrópu ?  Eru Rússar svona hættulegir ?  Evrópu fyrir Evrópumenn gæti orðið nýtt slagorð.  Ég tel ekki að Rússar hafi héðan af nokkurn áhuga á að ráðast inn í Evrópu.  Þeir hafa meiri áhuga á að selja Evrópumönnum olíu og gas.  Evrópumenn ættu frekar að stuðla að því að lýðræðisleg þróun verði í Rússlandi, heldur en að láta bandaríska hernaðarsinna stilla upp kjarnorkueldflaugaskotpöllum allt í kringum þá, sem viðheldur einungis þeirri stöðnun sem hefur átt sér stað í uppbyggingu lýðræðislegs samfélags þar í landi, eftir hrun gamla kerfisins.  Ég held t.d. að það myndi ekki hjálpa okkur Íslendingum að byggja upp nýtt kerfi, eftir hrun þess gamla, ef hér sveimuðu tugir kjarnorkukafbáta uppí landsteinum.

Þjóðnýtum sem fyrst eigur allra flottræflanna

Þjóðnýtum sem fyrst eigur allra flottræflanna

Þjóðnýtum sem fyrst eigur allra flottræflanna

Þjóðnýtum sem fyrst eigur allra flottræflanna

Þjóðnýtum sem fyrst eigur allra flottræflanna

Þjóðnýtum sem fyrst eigur allra flottræflanna

Þarf að hafa um það einhver fleiri orð ? ? ? ? ?