15.10.2008 | 20:37
Áskorun til Vinstri Grænna
til 2050. Sitjandi stjórn mun ekki sitja lengi. Samfylkingin mun
slíta þessu um leið og um hægist. Eina mögulega næsta stjórn
inniheldur 2 flokka...VG og Samfylkingu. VG verður þess vegna núna
strax að endurskoða afstöðu sína til aðildar að EB og hætta þessari
einangrunarhyggju. Þessir 2 flokkar verða að mætast á miðri leið og
mynda breiðfylkingu, því hagsmunir þjóðarinnar eru meiri en hagsmunir
flokka, hvaða nafni sem þeir nefnast eða miðar VG við að verða
einhverntíma það stór flokkur að geta verið ein í ríkisstjórn.
Endurskoða þetta lykilatriði sem fyrst og hefja kosningabaráttuna strax
í dag undir því kjörorði að ætla að sitja í næstu ríkisstjórn og ekkert
helvítis en..eða ..ef....því það er komið að þessum 2 flokkum að starfa
saman og þó fyrr hefði verið. Besti leikurinn í stöðunni er því að
byrja sem fyrst að semja við Samfylkinguna og endurskoða afstöðu
flokksins til EB aðildar.
Bloggar | Slóð | Facebook | Athugasemdir (0)
14.10.2008 | 15:59
Gætum við ekki bara selt Esjuna
Bloggar | Slóð | Facebook | Athugasemdir (0)
14.10.2008 | 15:03
Hvers virði er Esjan ?
Bloggar | Slóð | Facebook | Athugasemdir (0)
13.10.2008 | 22:11
Efnahagsleg eistnasprenging
Bloggar | Slóð | Facebook | Athugasemdir (0)
12.10.2008 | 17:18
Þjóðððhnappakreppa í rassfærum
Ég vil ráðleggja öllum sem hafa glatað töluverðum hluta af skopskyni sínu undanfarna daga, að næla ykkur í eintak af bókinni "Góði dátinn Sveijk" eftir Tékkneska snillinginn og mannvininn Jaroslav Hasek. Þessi bók er eitt besta meðal sem til er við efnahagslegum niðurgangi og á feita bankamenn virkar hún einsog besta fitusogssuga. Því þegar fitan hefur lagst á heilann, hættir hann að geta andað og breytist í vatnshöfuð og það er ekki alveg vel nýtilegt, nema þú ætlir að nota höfuðið sem fiskabúr og augasteinana sem Gullfiska sem synda fram og tilbaka. Í bókinni segir Góði dátinn Sveijk líka að það sé auðveldara að skjóta feita erkihertoga, því eftir því sem þeir séu feitari sé auðveldara að hitta þá, sem er mjög spaklega hugsað af almúgamanni. Þessi bók getur líka nýst sem meðal við : Óðaverðbólgu í hægra eista, gengissigggi, grunnfærni í litla heila, bráðahysteríu og þvengstífni í seðlabankastjórum, gotraufarbakþönkum, krossfestingaráráttu, væli og vesaldómi, veslingshætti, vindverkjavoli, sjálfsmorðstilhneigingu í hnjám og ökklum, víðáttubrjálæði, skopsþurrki, almennri þvagstíflu á almanna færi, Laxnessáráttu, vísitölubundnum loðkrampa í lófum, hattleysi, taugaveiklunum sem leiða til eistnasprenginga, trjónukrabbameini í nefholum, löggiltri fæðingarhálfvitun í hægra heilahveli, Hólmsteinsheilkenni, Oddsonssýkingu(einsog "brúni Gordon" sagði "There is something "odd" about this Oddson fellow), riðuveiki sem leiðir til falls íslensku krónunnar, gengdarlausum gúmmelaði og grautshætti, blindur leiðir blindann heilkenni, gamanyrðastoppi í munnvikum, gengistryggðu nýrnasteinsfráviki, sparka í rassinn á einhverjum heilkenni, sláturssvolgri, bjúgnalyppu, kexrugli, kaupæði, kjaftæði og flottræflaþvinnku, þvagfæraspýtingi, tittlingaskíts talfærameini, þjóðhnappakreppu í rassfærum, dingli og dangli og getur hreinlega komið í veg fyrir að maður drepist úr leiðindum, sem er reyndar það hættulegasta sem getur komið fyrir þessa dagana
Bloggar | Breytt s.d. kl. 17:25 | Slóð | Facebook | Athugasemdir (0)
29.1.2008 | 21:20
Auður getur líka þýtt tómur
Auður
en ekki sama og tómur
heldur glitrandi fjársjóður
Í hverjum einasta manni eru ógrynni auðæfa fólgin
Lykilinn að þessum fjársjóðshirslum er fólginn í ást þinni
þegar þú berð aðra menn augum
En menn lifa eins og skuggar af skuggum annarra
Því sál þeirra er hlédræg og heldur sig á fjarlægum stöðum
tilveru þeirra skortir reisn og villidýrin forðast þá
Hlæjum því dátt saman að þeim
sem héldu á brott í leit að gulli og grænum skógum
því hræfuglar krunka í eyrum þeirra
og hillingar í eyðimörkinni leiða þá áfram
en hér höldum við áfram saman hópinn í vininni
hér var allt sem við þurftum
í okkur sjálfum
Ljóð | Slóð | Facebook | Athugasemdir (0)
1.11.2007 | 16:51
Vélmenni "Made in Iceland"
Ég er vélmenni og ég er framleiðslutæki, en "ég á mér draum" eins og Martin Luther King, konungur negranna sagði, ég á mér draum um að vera mannvera.
Ég er vélmenni og ég er afturganga, en ég á mér draum um að eiga "hlutabréf í sólarlaginu" eins og Dagur Sigurðarson orðaði það, já hlutabréf í öllu sem ekki er hægt að fjárfesta í með beinhörðum peningum, en þið ofvirku, fábjánalegu, heilaskurðtæku, hjartalausu, fjármálamálglöðu og óendanlega leiðinlegu blaðurskjóður um Dollar, Evru eða Íslenska Krónu, látið okkur í friði
Þetta er ekki fyndið lengur, jú það er svo sem margt fyndið ennþá, en ekki þið.
Bloggar | Slóð | Facebook | Athugasemdir (0)
25.10.2007 | 18:32
Er ríkisstjórnin samkynhneigð
Tveir stærstu flokkar landsins taka hvor annann í rass
Er Ísland að verða samkynvætt
En af þessari rassaskoruáskorun virðist samt eitthvað vera að fæðast
Allir eru glaðir. Allir eru ánægðir. Allir taka hvorn annann í rass
Happy "forever"
Ef við höfum ekki typpi, þá er það bara hjálpartækjabúðin
Auðvelt. "Life is easy"
Lífið er auðvelt (he he)
Bloggar | Slóð | Facebook | Athugasemdir (0)
25.10.2007 | 18:10
Kirkjan, Biblían og Hjónabandið
Kirkjan, fer aldrei í kirkju nema við skírnir, brúðkaup og jarðarfarir, stundum finnst mér að kirkjan sé að reyna að kyrkja þjóðina "andlega séð"
Biblían, alltof þung bók, lítið barn getur varla haldið á henni, guðs orð, ef Guð byrjaði einhverntíma að tala, hlýtur hann að vera að segja okkur eitthvað, núna, þeir sem hafa eyru, hlusti og heyri, þeir ykkar sem eruð nógu fljótir að skrifa, skrifið fljótt, því Guð segir allt bara einu sinni, Guð er soddann "poet", en ef þið séuð ekki nógu fljót með pennann, notið þá bara eyrun, Guð er ekki bara í bókum(he he)
Hjónabandið. Til hvers yfirleitt að vera eyða peningum í að gifta sig, þegar maður skilur 2 árum síðar(he he) sparið eiðana, hrísgrjónin og flottasta brúðarkjólinn, elskið hvort annað og þegar þið hættið saman, hugsið þá um börnin, þessa saklausu litlu álfa sem hafa enga vörn nema ykkur og eru miklu mikilvægari, en þið sjálfselskufullu fíflin ykkar. Það er sama hvað þið baðið ykkur í hrísgrjónum, börnin eru samt númer 1, 2 ,3.
Hvað sagði ekki Guð: Leyfið börnunum að koma til mín, því þeirra er himnaríki, en hvað sagði hann um ykkur???????
Bloggar | Slóð | Facebook | Athugasemdir (0)
25.10.2007 | 17:42
Af hverju er líka rigning í dag
Ég vil beina því til blessaðra "veðurguðanna" að fyrst þið eruð að koma með aðalréttinn, rok og rigningu, af hverju er þetta ekki með sósu, ég meina þá þrumum og eldingum, eins og í öðrum löndum
Fyrst þið eruð að koma með svona lélega aðalrétti, væri ekki alltílagi að hafa góða sósu allavega með, svona þrumugóða sósu, "hot and spicy" svona eins og elding hafi lostið þig
Ég man þegar maður var lítill skólakrakki og var alltaf að bíða eftir almennilegri sýningu frá ykkur, allavega þannig að rafmagnið færi og það yrði frí í skólanum. Ég meina rafmagnið hefur ekki farið af þessari borg í mörg ár. Er eitthvað að???? Hættið þessari djöfulsins meðalmennsku!
Kæru veðurguðir, er ekki einhver meðal ykkar sem "has got the spirit", sem er annaðhvort í góðu skapi eða vondu skapi, en ekki hálffúlu skapi og hálfgóðu skapi. Heyrðu nú er tími kominn til að breyta til. he he
Með þessu bloggi er ég að sýna ykkur smá samúð, vonandi sýnið þið okkur samúð líka!
Við elskum ykkur
Bloggar | Slóð | Facebook | Athugasemdir (0)