Er Obama ekki karlútgáfan af Opruh

Þegar ný stjórn hefur verið mynduð eftir þingkosningar á næstu mánuðum hér á Íslandi, gæti nýr utanríkisráðherra þeirrar stjórnar gert sér ferð til Washington og hitt Obama nýjann forseta Bandaríkjanna og lagt til við hann að Bandaríkjamenn leggðu niður heimsvaldastefnu sína.  Að þeir hættu að halda heiminum í helgreipum ótta og niðurlægingar, heldur snéru sér að því að lagfæra fyrst þá þjóðfélagsgerð sem Bandaríkjamenn búa við og yrðu þannig fyrirmynd annarra þjóða, því í gamla daga voru þeir fyrirmynd annarra þjóða, t.d. með stjórnarskrá sinni, sem var á sínum tíma framúrskarandi byltingarkennd og leiðarljós þróunar útúr stöðnuðu andrúmslofti Evrópu.  Verum bara hreinskilnir.  Við hvað erum við hræddir ?  Erum við ekki víkingar ?  Þá meina ég núna og raunveruleiki nútímans er ekki skylmingamynd.  Gerumst því hugrakkir "HUGVÍKINGAR".  Kannski ættum við líka að breyta nafninu á höfuðborginni úr Reykjavík, sem núna minnir eitthvað svo á að vaða reyk, í "HUGVERKAVÍK"

Er kókaínísku sápunni ekki að fara að ljúka

Af hverju eru menn svona hræddir við EB.  Er það ekki bara hræðsluáróður Sjálfsstæðisflokksins á undanförnum árum og heimóttarskapur Vinstri Grænna.  Kannski erum við samt eftir allt saman Hobbitar norðursins einsog í Hringadrotttinssögu.  Ef menn hræðast regluvirki EB, af hverju þá bara ekki að reyna að hafa áhrif á að breyta því, losa heiminn við þann Niflungahring sem heftir nýja og betri tíma.  Við gerum það allavega ekki með því að sitja hjá og einangrast og borða Bláann Opal alla daga og láta sverð okkar ryðga, meðan við segjum sögur af fyrri afrekum.  Evrópumenn og heiminn sárvantar nýjar hugmyndir, því slóðin fyrir aftan okkur er horfin.  Heimurinn mótast í huganum, þar verður hann til við það að myndir kvikna.  Svo slökkvum núna á raunveruleikasjónvarpstækjunum og gerum virka heilana í okkur, ekki aðeins í okkar þágu, heldur fyrir alla Evrópumenn og heiminn í kringum okkur.  Lokum núna gömlu skruddunum frá 12. öld og gerum eitthvað sem þessir gömlu munkar gætu sagt um okkur að við værum þeirra elskuðu afkomendur sem þeir hefðu velþóknun á, því annars er ófært að vera að stæra sig af verkum þeirra, því ekki vorum það við sem rituðum þessar bækur og við þá sem eru ennþá í þessu kókaínsniffi, í guðs bænum hættiði þessu, því þetta eyðir alltof miklum gjaldeyri.

Bandarískur her burt úr Evrópu

Þegar við höfum fengið inngöngu í Evrópusambandið, eigum við að leggja það til við bandalagsþjóðir okkar að Bandarískur her verði kallaður burt frá Evrópu.  Til hvers er Bandarískur her í Evrópu ?  Eru Rússar svona hættulegir ?  Evrópu fyrir Evrópumenn gæti orðið nýtt slagorð.  Ég tel ekki að Rússar hafi héðan af nokkurn áhuga á að ráðast inn í Evrópu.  Þeir hafa meiri áhuga á að selja Evrópumönnum olíu og gas.  Evrópumenn ættu frekar að stuðla að því að lýðræðisleg þróun verði í Rússlandi, heldur en að láta bandaríska hernaðarsinna stilla upp kjarnorkueldflaugaskotpöllum allt í kringum þá, sem viðheldur einungis þeirri stöðnun sem hefur átt sér stað í uppbyggingu lýðræðislegs samfélags þar í landi, eftir hrun gamla kerfisins.  Ég held t.d. að það myndi ekki hjálpa okkur Íslendingum að byggja upp nýtt kerfi, eftir hrun þess gamla, ef hér sveimuðu tugir kjarnorkukafbáta uppí landsteinum.

Þjóðnýtum sem fyrst eigur allra flottræflanna

Þjóðnýtum sem fyrst eigur allra flottræflanna

Þjóðnýtum sem fyrst eigur allra flottræflanna

Þjóðnýtum sem fyrst eigur allra flottræflanna

Þjóðnýtum sem fyrst eigur allra flottræflanna

Þjóðnýtum sem fyrst eigur allra flottræflanna

Þarf að hafa um það einhver fleiri orð ? ? ? ? ? 

Sófasósíalismi

Nú dugar enginn helvítis(afsakið) sófasósíalismi með rauðvíni og kertaljósum og ´68 vímu og draumóraglýju og sýndarmennsku og vera alltaf á móti og einangra sig frá hinum stóra og ljóta umheimi.  Það er komið nóg.  Vinstri Grænir verða að axla ábyrgð.  Á næstu mánuðum er komið að Sjálfstæðisflokknum og Framsóknarflokknum að taka við þeirra hlutverki.  Að sitja hjá og gagnrýna.  Hér dugar ekkert annað en herkænska.  Vinstri Grænir verða að breyta afstöðu sinni til aðildar að EB strax.  Allur flokkurinn verður að breyta afstöðu sinni sem fyrst, helst strax.  Að vera á undan óvininum, að gera það sem enginn býst við, er herbragð sem nýst hefur mörgum herforingjanum, þegar munað hefur mikið á liðsmun.  Sjálfsstæðisflokkurinn er rjúkandi rústir.  Tjöldin hafa verið dreginn frá og ófreskjan afhjúpuð...Þarf um það fleiri orð ?  Framsóknarflokkurinn er bara hruninn...Þarf um það fleiri orð ?  Vinstri Grænir verða að taka til í sínum herbúðum og það strax og þegar herflokkur er kominn á hreyfingu, þá hafa hermennirnir ekki sófann fyrir aftan sig á hestinum eða kertastjakann uppá hausnum á hestinum, en það er svo sem í lagi að taka  eina Kampavínflösku með sér til að skála þegar sigur næst, því framundan eru dagar kampavíns og rósa fyrir alþýðu þessa lands.

Áskorun til Vinstri Grænna

VG verður líka að axla ábyrgð eða ætlar VG að vera í stjórnarandstöðu
til 2050.  Sitjandi stjórn mun ekki sitja lengi.  Samfylkingin mun
slíta þessu um leið og um hægist.  Eina mögulega næsta stjórn
inniheldur 2 flokka...VG og Samfylkingu.  VG verður þess vegna núna
strax að endurskoða afstöðu sína til aðildar að EB og hætta þessari
einangrunarhyggju.  Þessir 2 flokkar verða að mætast á miðri leið og
mynda breiðfylkingu, því hagsmunir þjóðarinnar eru meiri en hagsmunir
flokka, hvaða nafni sem þeir nefnast eða miðar VG við að verða
einhverntíma það stór flokkur að geta verið ein í ríkisstjórn. 
Endurskoða þetta lykilatriði sem fyrst og hefja kosningabaráttuna strax
í dag undir því kjörorði að ætla að sitja í næstu ríkisstjórn og ekkert
helvítis en..eða ..ef....því það er komið að þessum 2 flokkum að starfa
saman og þó fyrr hefði verið.  Besti leikurinn í stöðunni er því að
byrja sem fyrst að semja við Samfylkinguna og endurskoða afstöðu
flokksins til EB aðildar.

Gætum við ekki bara selt Esjuna

Jú seljum bara Esjuna fögru og Árni Johnsen gæti eflaust reddað nógu stórum pramma fyrir hana og Dönum hefur lengi vantað almennilegt fjall.  Hægt væri að koma því fyrir á Jótlandsheiðum og síðan gætum við flutt Reykjavík, hús fyrir hús og komið henni fyrir í námunda við fjallið, svona eins og Árbæjarsafni, með ekta Molbúum og svo geta túristar sprangað þarna um eins og um Kristjaníu, tekið myndir og hlustað á bæjarbúa tala um verðbréf og séð þá keyra um á lúxusjeppum  og fljúga á þyrlum milli húsa.  Á sunnudögum  gæti svo forsetinn haldið  ræðu um hvað heilabúið í Íslendingum sé miklu stærra en í öðrum þjóðum  og svo gæti  fólk keypt fálkaorður sem minjagripi.  Við gætum  öll stórgrætt á þessu  og orðið helmingi ríkari, en áður  en við vorum helmingiríkari.

Hvers virði er Esjan ?

Mér varð áðan litið á þetta fagra fjall sem menn kalla Esju og sést hér frá "Borg Óttans" og staðið hefur hér óhreyft frá því fyrsti bærinn var reistur í Reykjavík, já löngu áður en menn gátu horft á það eða nefnt það nafni og ég spurði sjálfann mig "Hvers virði er þetta fjall ?"  "Hvers virði er þegar ég horfi á það" og ef fjöll geta hlegið, þá er ég sannfærður um að fjallið hló með mér, því við erum einhvernveginn hluti af hvort öðru, ég "Reykvíkingurinn" og þetta kátbroslega og glaðlega fjall.  Í gegnum huga minn flugu hugsanablöðrur um efnahagsmál, en fjallið vildi ekki hlusta á mig, heldur þaggaði niður í mér og benti mér á snjóinn sem sest hafði í efstu hlíðar þess, eins og hvít kollhúfa á ólýsanlega fagurri konu.  "Hvers virði er fegurð kvenna, er hægt að verðleggja hana ?"  Hvað býr inní myrku djúpi þessa fjalls.  "Sérðu þar glitra tár" eða "Heyrirðu þar gutla í niðurbældum hlátri þinnar eðlilegu mannlegu náttúru að hafa gaman að því að vera til, ekki útaf þessu eða hinu, heldur af því að þú hefur sjálfsvitund og þetta stóra fjall er í rauninni inní þér og þú inní því og ég skynjaði að þetta heilaga fjall var að segja mér eitthvað mikilvægara um frelsi, heldur en allir menn samanlagt síðustu 20 ár.

Efnahagsleg eistnasprenging

Ég mætti Davíð Oddsyni á götu í dag.  Djöfull er maðurinn orðinn pungsíður.  Litli feiti pabbastrákurinn sonur hafði nú fengið enn feitara embætti.  Hann gekk á eftir Pabba gamla og hélt undir eistun á kellinum, svo þau löfðu ekki niðrí götuna.  Ungir menn komast víst ekki í feitari embætti nú til dags en halda undir punginn á yfirsvíni þjóðarinnar.   Á hvaða leið eruð þið spurði ég strákinn.  Upp á Arnarhól svaraði stráksi.  Kellinn ætlar  að krossfesta sig.  Oh ég  hélt  að það væru einungis fátækir  góðir og greindir  alþýðumenn  sem væru  krossfestir og einhverntíma í gamla daga.  "Ég er sektarlambið" gall í kellinum.  Ætlarðu að hjálpa honum að krossfesta sig spurði ég strákinn.  Nei hann ætlar að gera það sjálfur, svaraði strákurinn.  Hann er svo sjálfstæður hann Pabbi.  Ég hef ekki farið niðrá Arnarhól í dag og veit þess vegna ekki hvernig fór.  En ef hann hefur látið verða af þessu kellinn, væri upplagt tækifæri að stoppa hann upp(betra en að reisa styttu) og stylla honum svo upp í andyri þjóðminjasafnsins og á stallinum gæti staðið....tja.... hvaða orð gætu lýst þessum erkisens hálfvita, nema kannski orðið "HÁLFVITI" og hvaða orð gæti betur lýst manni sem líkist mest yfirsvíninu í bókinni 1984 eftir George Orwell, heldur en Íslenska orðið "SVÍN".  Á ensku gæti því staðið "IDIOT PIG"  Við hliðina væri hægt að hafa "Raunveruleikasjónvarpstæki" síðustu 10 ára.

Þjóðððhnappakreppa í rassfærum

Ég vil ráðleggja öllum sem hafa glatað töluverðum hluta af skopskyni sínu undanfarna daga, að næla ykkur í eintak af bókinni "Góði dátinn Sveijk" eftir Tékkneska snillinginn og mannvininn Jaroslav Hasek.  Þessi bók er eitt besta meðal sem til er við efnahagslegum niðurgangi og á feita bankamenn virkar hún einsog besta fitusogssuga.  Því þegar fitan hefur lagst á heilann, hættir hann að geta andað og breytist í vatnshöfuð og það er ekki alveg vel nýtilegt, nema þú ætlir að nota höfuðið sem fiskabúr og augasteinana sem Gullfiska sem synda fram og tilbaka.   Í bókinni segir Góði dátinn Sveijk líka að það sé auðveldara að skjóta feita erkihertoga, því eftir því sem þeir séu feitari sé auðveldara að hitta þá, sem er mjög spaklega hugsað af almúgamanni.  Þessi bók getur líka nýst sem meðal við :  Óðaverðbólgu í hægra eista, gengissigggi, grunnfærni í litla heila, bráðahysteríu og þvengstífni í seðlabankastjórum, gotraufarbakþönkum, krossfestingaráráttu, væli og vesaldómi, veslingshætti, vindverkjavoli, sjálfsmorðstilhneigingu í hnjám og ökklum, víðáttubrjálæði, skopsþurrki, almennri þvagstíflu á almanna færi, Laxnessáráttu, vísitölubundnum loðkrampa í lófum, hattleysi, taugaveiklunum sem leiða til eistnasprenginga, trjónukrabbameini í nefholum, löggiltri fæðingarhálfvitun í hægra heilahveli, Hólmsteinsheilkenni, Oddsonssýkingu(einsog "brúni Gordon"  sagði "There is something "odd" about this Oddson fellow), riðuveiki sem leiðir til falls íslensku krónunnar, gengdarlausum gúmmelaði og grautshætti, blindur leiðir blindann heilkenni, gamanyrðastoppi í munnvikum, gengistryggðu nýrnasteinsfráviki, sparka í rassinn á einhverjum heilkenni, sláturssvolgri, bjúgnalyppu, kexrugli, kaupæði, kjaftæði og flottræflaþvinnku, þvagfæraspýtingi, tittlingaskíts talfærameini, þjóðhnappakreppu í rassfærum, dingli og dangli og getur hreinlega komið í veg fyrir að maður drepist úr leiðindum, sem er reyndar það hættulegasta sem getur komið fyrir þessa dagana