Drulludelar ! Er ekki eitthvað annað almennigsklósett sem þið getið notað ?

Ég vísa í myndbrot inná bloggsíðu Láru Hönnu:  "Stórustu pissudúkkur í heimi" 

Lára Hanna

Ég fór að hugleiða eitthvað svipað á dögunum, undir kvöld, þegar yfir sveif einkaþota og þegar ég horfði á eftir henni, þar sem hún hvarf í átt að Reykjavíkurflugvelli, fann ég næstum spillingarfnykinn afturúr henni, dreifast yfir borgina.

Að hafa tannlaust fjármálaeftirlit sem er í engu samræmi við stærð bankakerfisins, er það ekki að bjóða hættunni heim ?

Að leggja niður Þjóðhagsstofnun og enda með greiningardeildir bankanna sem aðal umsjónaraðilann, er það ekki upplagt svæði, vegna pólitískrar og fjármálalegrar vanþróunar og afturfarar, til að setja upp peningaþvottavél á ?

Þetta mál þarf að skoðast strax !

og þó fjúki hausar af einhverjum frænda eða frænku einhvers í kjölfarið, þá verður bara að hafa það, því farið hefur fé betra !

Það er spurning hvort við höfum pening til að reisa nógu stórt fangelsi, að það rúmi alla þá sem mögulega hafa gerst sekir, með fullri vitund eða ekki.

Væri kannski ódýrara að senda þá bara úr landi vegabréfslausa í nokkrum þotum, t.d. til London.

Þetta verður að skoðast í alvöru, því margt ungt fólk er að flytjast búferlum og frekar vil ég hafa það áfram hér, en þessa drulludela, sem réttast væri að misstu sem fyrst ríkisfang sitt. 

Vantrauststillaga til umræðu ! Þarf eitthvað ræða það frekar?

Úr Fréttablaðinu 21.Nóvember á því herrans ári 2008:

"Formenn stjórnarandstöðuflokkanna á Alþingi hafa ræðst við um að bera fram sameiginlega vantrauststillögu á ríkisstjórnina."

"En ríkisstjórnin á auðvitað ekki annað skilið en að slík tillaga sé borin fram" Heyr heyr

"Steingrímur segir að viðkvæm staða sem uppi var vegna samkomulagsins við Alþjóðagjaldeyrissjóðinn hafi haldið aftur af mönnum en eftir gærdaginn þurfi í raun ekkert að koma í veg fyrir að tillagan verði borin upp"

 

Það verður fróðlegt að fylgjast með hvaða Alþingismenn stjórnarflokkanna munu samþykkja þessa tillögu !

Sýnið nú KRAFT  DUG  og ÞOR.  Þið Alþingismenn sem eruð menn með mönnum !

Möguleiki er að setja saman starfhæfa Ríkisstjórn með ykkar stuðningi !

Mesta fíflið í Íslenska flotanum !

Þetta youtubebrot sem ég fann, ber yfirskriftina:

"Mesta fíflið í Íslenska flotanum" ójé (þarna eru einhverjir sjómenn að sprella)

En ég sé Þarna fyrir mér Forsætisráðherra synda innanum dauða þorska í lauginni !

og það virðist vera mikill skítur á botninum !  Botnfall ?

Hvar er sundlaugarvörðurinn ?  Á ekki að fara að koma manninum úr lauginni, svo við hin (skríllinn) getum komist á milli bakka ? 

Án þess að vaða í botnfrosinni viðrekstrarstjórnarleðju og tómum skít ?

Maður kemst varla útúr húsi fyrir kjánahrolli !

Hvar er færibandið sem færir þessa þorska niðurávið ?

Þetta er vélræði, ekki lýðræði !

Þetta eru nú meiru tuskudúkkurnar.

Maður bíður bara eftir Dario Fo á sviðið, svo þetta virki nú einsog þetta sé bara í Þjóðleikhúsinu.

Að þetta sé farsi spunninn útúr raunveruleika, en ekki raunveruleiki spunninn útúr farsa !

Ríkisstjórnin klúðrar hundruð milljarða af slóðaskap.

"Til er undanþáguákvæði í ESB sem hefðu getað minnkað ábyrgð Íslendinga á innistæðutryggingum á innistæðum erlendis. 

Samþykktin var sett í nefnd og gleymdist síðan þar bara.

Forsætisráðherra segir já "þarna var einhver undanþága sem menn nýttu sér ekki" eins og þetta sé ekkert mál.

Eftir allt það klúður sem undan er gengið og nú þegar búið er að leggja botnlausar byrðar á almenning telur forsætisráðherra að hann sé réttur maður til þess að leiða þjóðina í gegn um það sem fram undan er.

Hvað er hægt að kalla þetta: siðblindu, veruleikafyrringu eða hvað?"

 

Tekið orðrétt af bloggi Jakobínu Ingunnar Ólafsdóttur og hef ég engu við þetta að bæta.

En hefur Forsætisráðherra einhverju við þetta að bæta, aðrir ráðherrar, stjórnarflokkarnir, nefndarfulltrúar eða aðrir sem þessu tengjast.

Er hægt að bæta bölið með því að benda á eitthvað verra !

 

 

Fílabeinsturn dettur á hliðina og allir hrópa húrra. Lifi Lýðveldið !

Ég vona að hér veljist sem fyrst til forystu fólk, sem sér samhengi í hlutunum.  Því þótt nútímaveruleiki sé sundurlaus og oft absúrd, bætir ekki úr, ef þeir sem valið hafa sjálfa sig og vini sína til embætta eru ennþá meira sundurlausir og absúrd, en sá veruleiki sem þeir eiga að hafa stjórn á.

Við erum ennþá að bíða eftir að einhver falli úr hinum háu Fílabeinsturnum !

Vitum til !

Á morgun fellur einn !

Ef ekki fleiri til !

og kannski turninn sjálfur og allt hans lið !

Dagsljós !

Mér sýnist að mjög margir hér í opinberu lífi séu búnir að grafa sér sína eigin gröf, séu dottnir ofaní hana, en vilji helst taka aðra með sér í þá myrkrakompu, en ekki hef ég í dag nennt að grafa mig oní það með þeim, með því að lesa það oní kjölinn sem þeir bulla.  Það er fyrir neðan mína virðingu, að lesa það.  Þetta er orðið of barnalegt !

En það var gott hjá Helga Seljan að fara í Fjármálaeftirlitið, mér fannst það ljósi punktur dagsins.  

Youtubebrotið að ofan er tileinkað henni Engilstínu, sem ég las blogg hjá eftir hádegi og við gerðumst bloggvinir.  Hún er Langamma og býr í Danmörku með hundinum sínum.  Mér fannst mjög hrífandi að sjá að Langömmur geta ennþá rifið kjaft.  Hún svaf lítið síðustu nótt fyrir áhyggjum af peningamálum og ég hef fyllstu samúð með henni, en ég vona svo sannarlega að hún sofi betur í nótt.

Stirfni, Græðgi og Heimska Allt er þegar þrennt er Sannkölluð Óheilög Þrenning

Hefði verið hægt í tæka tíð að koma erlenda hluta bankastarfseminnar fyrir í dótturfélögum erlendis ?

Fólst þetta í úrræðaleysi og stirfni Íslenskra ráðamanna í samskiptum sínum við erlend yfirvöld ?

Er Seðlabankastjórinn ennþá Forsætisráðherra ?

Hefur stirfni hans kostað okkur ómældar fjárhæðir ?

Var einhver tregða hjá stjórnendum bankanna að koma á dótturfélögum erlendis ?

Og ef það var þá af hverju ?

Var þetta allt samkrullað við hátt vaxtastig á Íslandi ?

Erum við sem þjóð sek um þetta ?

Eða eru sumir meðal okkar að nota okkur sem sektarlömb ?

Á það að vera hlutskipti okkar að vera SEKTARLÖMB annarra sem sýnt hafa ómælda STIRFNI  voru fullir af GRÆÐGÐI og kórónuðu þetta svo með sinni persónulegu HEIMSKU 

 

Gat Jésú virkilega labbað á vatni ?

Var hann kanski ekki eðlilegur ?

Var hann kanski stökkbreyting ?

Labbaði hann kanski ekki, heldur hljóp ?

Gæti þetta nýst fyrir þá peningalausu Íslendinga sem þurfa að fara úr landi ?

Er þetta ódýrari leið til að komast úr landi ?

Kill them all ! El spirito da revolution

Tökum tímabundið upp dauðarefsingar fyrir þau föðurlandssvik sem framin hafa verið !

Eða eiga þeir sem framið hafa svikin bara að fara á næstu rakarastofu !

og fá sér nýja klippingu !  Svo þeir líti vel út í næsta kokteilboði ?

Hvað er næst ?

Andlitslyfting hjá lýtalækni !

Svo bros þeirra virki eðlilegt ?

Gamaldags póli-TÍK

Í grein í Fréttablaðinu í dag, á blaðsíðu 10 og 11, er grein eftir þá Magnús Árna Skúlason og Sigmund Davíð Gunnlaugsson, sem ber yfirskriftina "Þurfum að halda í bjartsýnina" og er ég algjörlega sammála yfirskriftinni, en sú klausa sem ber yfirskriftina "Gamaldags pólitík" er eftirtektarverð :

 

"Í gegnum samskipti sín við embættismenn í Evrópu hafa þeir einnig fengið að vita að myndin af Íslandi sé ekki á þann veg sem við myndum vilja mála hana. "Okkar heimildir, bæði frá Evrópu og Bandaríkjunum segja okkur að verið sé að tala um Marshall-aðstoð við Íslendinga," segir Magnús. "Það er svo bara sagt að það sé ekki hægt að ræða við íslensk stjórnvöld. Í vikunni var fundur í Brussel með Þórunni Sveinbjarnardóttur og góðum hópi embættismanna, sem okkur er sagt að hafi farið bara nokkuð skammlaust fram. Hins vegar var fundur í síðustu viku með Árna Mathiesen sem var víst bara skelfilegur," segir Magnús.

Hann bætir við að þeir Evrópubúar sem þeir hafi talað við skilji ekki kaldastríðspólitíkina sem stunduð sé á Íslandi með því að tilkynna lán frá Rússlandi, sem var þó ekki í hendi. "Evrópubúar eru mjög ósáttir við að Íslendingar ætli að rjúfa einingu Evrópu með þessum hætti og þykir þetta gamaldags pólitík."

 

Ég vil einnig að menn og konur hugleiði hvar í veröldinni annarsstaðar en hér sé Seðlabankastjórinn gamaldags pólitíkus, með gamaldags hugsunarhátt, sem tilheyrir löngu liðnum tíma, en hér fær hann að daga uppi eins og nátttröll, í einu mikilvægasta embætti þjóðarinnar og talar um "Óreiðumenn" og "Það lærði ég hjá Ömmu minni".  Það mætti halda að Seðlabankinn sé forngripasafn og helsti forngripurinn sé Forstöðumaður safnsins.

Ef einhver getur bent á þau þjóðríki þar sem þetta tíðkast, þá er það vel þegið.

Ríkisstjórnin virðist ekki geta komið sér saman um hver eigi að víkja !

Forsætisráðherra virðist eiga í mestum vandræðum, því enginn annar virðist geta rekið hann, nema hann sjálfur og ég skil það vel, því það er erfitt að skilja svo við sjálfan sig, að maður segi sjálfum sér upp !