Drulludelar ! Er ekki eitthvað annað almennigsklósett sem þið getið notað ?

Ég vísa í myndbrot inná bloggsíðu Láru Hönnu:  "Stórustu pissudúkkur í heimi" 

Lára Hanna

Ég fór að hugleiða eitthvað svipað á dögunum, undir kvöld, þegar yfir sveif einkaþota og þegar ég horfði á eftir henni, þar sem hún hvarf í átt að Reykjavíkurflugvelli, fann ég næstum spillingarfnykinn afturúr henni, dreifast yfir borgina.

Að hafa tannlaust fjármálaeftirlit sem er í engu samræmi við stærð bankakerfisins, er það ekki að bjóða hættunni heim ?

Að leggja niður Þjóðhagsstofnun og enda með greiningardeildir bankanna sem aðal umsjónaraðilann, er það ekki upplagt svæði, vegna pólitískrar og fjármálalegrar vanþróunar og afturfarar, til að setja upp peningaþvottavél á ?

Þetta mál þarf að skoðast strax !

og þó fjúki hausar af einhverjum frænda eða frænku einhvers í kjölfarið, þá verður bara að hafa það, því farið hefur fé betra !

Það er spurning hvort við höfum pening til að reisa nógu stórt fangelsi, að það rúmi alla þá sem mögulega hafa gerst sekir, með fullri vitund eða ekki.

Væri kannski ódýrara að senda þá bara úr landi vegabréfslausa í nokkrum þotum, t.d. til London.

Þetta verður að skoðast í alvöru, því margt ungt fólk er að flytjast búferlum og frekar vil ég hafa það áfram hér, en þessa drulludela, sem réttast væri að misstu sem fyrst ríkisfang sitt. 

Athugasemdir

[Guðrún Jónína Eiríksdóttir, 21.11.2008 kl. 19:49]

Já við viljum hafa fólkið heima. En gerðum við athugasemdir áður en allt hrundi? Því miður ekki. Við höfðum ekki upplýsingar og þar að auki vildu allir hafa þetta svona áfram. Held það allavega.

[Jónína Þorbjörg Gunnarsdóttir (IP-tala skráð) 22.11.2008 kl. 14:17]

Ég hef það á tilfinningunni að margir hafi verið að springa á limminu áður en til hrunsins kom og þess vegna sé ennþá meiri taugtitringur í þjóðfélaginu. Margir voru orðnir yfir sig spenntir við að borga af öllum herlegheitunum þannig að kannski er þetta þrátt fyrir allt kærkomið tækifæri til uppstokkunar í lífsháttum.